![](https://kallxo.com/wp-content/uploads/2024/06/448108899_864630965702312_665308736835154508_n-480x480.jpg)
AGK reagon pas vandalizmit të zyrës së organizatës 'QIKA'
Asociacioni i Gazetarëve të Kosovës ka reaguar pas vandalizmit të logos së organizatës joqeveritare Qendra për Informim, Kritikë dhe Aksion – QIKA.
AGK ka thënë se e ka pranuar me shqetësim këtë informacion.
“Në njoftim, bëhet e ditur se vandalizmi i logos së organizatës ka ndodhur pas transmetimit të emisionit “Ngjyrat e dashurisë”, dhe vendosjes së flamurit të komunitetit LGBTIQ+, në ballkonin e QIKA-s” – tha AGK.
Tutje u tha se për AGK-në, ky akt është i papranueshëm, i shëmtuar dhe sulm i drejtpërdrejt ndaj të drejtave të njeriut dhe lirisë së shprehjes, e medias.
Vandalizmi i logos së QIKA-s, Asociacioni tha se kontribuon në gjuhën e urrejtjes dhe sulmeve verbale ndaj personave të komunitetit LGBTIQ+.
Po ashtu, Asociacioni i bëri thirrje Policisë që të hetojë rastin me urgjencë duke thënë se nuk është hera e parë që kjo organizatë është cak i sulmeve të ngjashme.