Pse Albin Kurti nuk del në protestë?
Kryeministri në detyrë, Albin Kurti lidhur me provën e paralajmëruar sot për protestë në Prishtinë, ka thënë se si kryeministri nuk marrin pjesë në organizimin e këtyre aktiviteteve.
Ai shtoi se janë që të respektohen të drejtat e qytetarëve, por në kuadër të amsave të ndërmarra për shkak të pandemisë.
“LVV e ka organizatën e aktivistëve, ne si kryeministri nuk marrim pjesë në organizimin e këtyre aktvitteteve. Ne jemi që të respektohen të drejtat dhe liritë e qytetarëve por gjithmonë në kuadër të masave. Unë nuk kam kohë që të kryej detyrën e aktvistit dhe kryetarit të saj në kohën kur ka krizë”, tha Kurti sot para gazetarëve.
Lëvizja Vetëvendosje pritet që sot në ora 17:00 të mbajë provën e dytë për protestë, nëse Gjykata Kushtetuese vendos në favor të presidentit Thaçi për dekretin për mandatimin e Avdullah Hotit për kryeministër.
Lajmin për KALLXO.com e ka konfirmuar zëdhënësi i LVV-së, Arlind Manxhuka i cili ka thënë që në këtë provë pritet të jenë deri 5000 persona.
“Në vazhdimësi gjatë kësaj kohe kemi pasur kërkesa e interesim të shumtë të qytetarëve për të protestuar në lidhje me zhvillimet në vend. Pas realizimit të suksesshëm të provës së parë nga qytetarë e aktivistë ne kemi menduar të realizojmë testin e dytë por në përmasa më të mëdha. Pra, kjo sigurisht se nuk është një protestë, por një performancë me 3500 deri në 5000 persona”, tha Manxhuka.