Parashikimi i motit për këtë javë

Këtë javë në vendin tonë moti do të jetë i ndryshueshëm.

Instituti Hidrometeorologjik i Kosovës njofton se kjo javë do të karakterizohet me vranësira dhe intervale më të gjata me diell.

Sipas parashikimeve, vranësirat herë-herë, pasdite do të shoqërohen me reshje lokale shiu. Reshjet përgjithësisht në gjithë territorin do të jenë shumë më të ulëta se reshjet e fundit të javës që po e lëmë. Temperaturat do të shënojnë rritje graduale në të dy vlerat ekstreme.

Minimalet do të lëvizin ndërmjet 16-17 gradë Celsius, ndërsa maksimalet e ditës, parashihen të lëvizin ndërmjet 27-32 gradë Celsius. Sipas IHMK-së, indeksi UV do të jetë i lartë në orët e mesditës, prandaj këshillat e IKSHP janë në fuqi.

Do të fryjë erë nga drejtimet veriperëndim dhe juglindjeje me shpejtësi 1-9m/s. /21 Media/