Mitrovicë, arrestohet 21 vjeçari për vrasje në tentativë
26.10.2020 - 09:07
Një 21 vjeçar është arrestuar si i dyshuar për vrasje në tentativë në Mitrovicë.
Ngjarja raportohet të ketë ndodhur dy ditë më parë në një kafiteri të Mitrovicës, ku nga hetimet e deritanishme thuhet se si shkak i një mosmarrëveshje ndërmjet viktimës dhe të dyshuarit i lënduar ka mbetur një djalë.
I lënduari pas tretmanit mjekësor në spitalin rajonal në Mitrovicë ishte dërguar për trajtim të mëtejmë në QKUK.
Kurse në orët e pasdites të datës 25 tetor 2020, Policia në Mitrovicë, ka arrestuar të dyshuarin për vrasje në tentativë.
Në cilësi të të dyshuarit është arrestuar H. V., 21 vjeçar, i cili me aktvendim të prokurorit të rastit, të dyshuarit i është caktuar masa e ndalimit policor.