Armët e konfiskuara, Foto: KALLXO.com
Konfiskohet arsenal armësh në një fshat në rajonin e Gjilanit- FOTO
Armë dhe municion është konfiskuar nga njësitet policore në Gjilan në shtëpinë e një të dyshuari me inicialet S.P, me banim në fshatin Pasjan të Komunës së Parteshit.
Bastisja në shtëpinë e të dyshuarit u bë me urdhër të Gjykatës Themelore në Gjilan i cili dyshohet për import, furnizim, transportim, prodhim, këmbim, ndërmjetësim apo shitje të paautorizuar të armëve dhe materialeve shpërthyese.
Gjatë bastisjes policia ka konfiskuar një pushkë gjysme automatike, një pushkë gjuetie, një revolver të vjetër, dy shurdhues një pjesë druri të pushkës së gjuetisë.
Të gjitha këto armë i dyshuari po i mbante pa leje.
Gjithashtu nga i njëjti janë sekuestruar përkohësisht edhe tri armë të zjarrit të cilat janë të regjistruar në emrin e tij në sistemin e legalizimit nga organet , dy pushkë gjuetie, 38 fishekë, 141 fishekë të pushkës, një pistoletë dhe fishekë të pistoletës.
Pas kryerjes së urdhërkontrollit, i dyshuari S.P., është dërguar në zyrat e hetimeve rajonale në Gjilan ku është intervistuar në cilësinë e të dyshuarit për veprën penale të sipërshënuar , në prezencë të mbrojtësit e tij të caktuar sipas detyrës zyrtare.
Për të gjitha veprimet e ndërmarra është njoftuar prokurori i shtetit , i cili ka urdhëruar që lënda të procedohet në procedurë të rregullt,
Ndaj të dyshuarit është paraqitur kallëzim penal, për veprën penale ‘Mbajtja në pronësi, kontroll ose posedim të paautorizuar të armëve’ .