Incident në Prishtinë, i përfshirë edhe Xhelal Sveçla
27.2.2020 - 16:28
Një incident ka ndodhur në qendër të Prishtinës rreth orës 16:00.
Burime nga Policia e Kosovës kanë thënë për KALLXO.com se dy persona janë përleshur fizikisht dhe disa qytetarë që kanë qëlluar afër kanë ndërhyrë për t’i ndarë dhe në mesin e tyre ka qenë edhe zëvendësministri i Punëve të Brendshme, Xhelal Sveçla.
KALLXO.com merr vesh se Sveçla nuk është lënduar.
Policia ka dalë në vendin e ngjarjes dhe po merret me rastin.
Në këtë incident, sipas burimeve të KALLXO.com, një person ka sulmuar fizikisht një tjetër.