![](https://kallxo.com/wp-content/uploads/2020/03/Lajmi-i-Fundit-coronavirusi-695x310.jpg)
Vdes personi i dymbëdhjetë me COVID-19 në Kosovë
17.4.2020 - 12:12
Klinika Infektive e QKUK-së ka njoftuar se ka vdekur edhe personi i dymbëdhjetë me COVID-19 në Kosovë.
I vdekuri është personi me iniciale S.M. nga Komuna e Ferizajt.
Sipas njoftimit nga Klinika Infektive, pacienti është hospitalizuar në klinikë me datën 12.04.2020, i referuar nga Qendra e Mjekësisë Familjare –Ferizaj.
Sipas njoftimit, pacienti ka qenë në gjendje të rëndë që nga pranimi në Klinikën Infektive, testi për SARS-CoV- 2 ka rezultuar pozitiv dhe përveç sëmundjes COVID-19 ka pasur edhe sëmundje të tjera shoqëruese.
Kjo është vdekje e dymbëdhjetë nga Covid-19 në Kosovë.