Prezantohet Platforma Online për Hartimin e Biznes-Planeve
22.11.2017 - 07:07
Oda Ekonomike e Kosovës dhe kompania GEO-test, nga Brno, Republika Çeke, do të organizojnë aktivitetin e radhës me rastin e lansimit të platformës online për hartimin e biznes planeve.
Ky aktivitet organizohet në kuadër të aktivitetit – “Asistencë në krijimin e planeve të biznesit për NVM-të në Kosovë”.
Oda Ekonomike e Kosovës përmes kësaj platforme synon lehtësimin e të bërit biznes në Kosovë.
Një pjesë e madhe e kompanive Kosovare nuk kanë të zhvilluar plan të biznesit çka edhe ndikon në uljen e konkurrueshmërisë së tyre dhe njëherit rritjen e vështirësive për qasje në financa.
Kjo platformë është mundësi e mirë për bizneset për planifikim biznesor dhe orientim të kompanisë në maksimizim të fitimit, ka njoftuar OEK-u.