![](https://kallxo.com/wp-content/uploads/2020/06/Coronavirus-covid-infektiva-virus-vurusi-mostra-analiza-infektiva-coronavirusi-qkuk-17-695x310.png)
Asnjë i vdekur nga COVID-19 në Kosovë gjatë 24 orëve të fundit
77 raste kanë rezultuar pozitiv me COVID-19 gjatë 24 orëve të fundit në Kosovë ndërsa nuk është shënuar asnjë rast i vdekjes.
Gjithashtu janë shëruar edhe 59 pacientë të tjerë nga coronavirusi.
Rastet pozitive janë nga komuna Prishtinë 46 raste, komuna Fushë Kosovë 7 raste, komuna Gjakovë 5 raste, komuna Vushtrri 4 raste, komuna Gjilan 3 raste, komuna Mitrovicë 3 raste, komuna Deçan 2 raste, komuna Drenas 2 raste, komuna Podujevë 2 raste dhe me nga një rast komunat Ferizaj, Lipjan dhe Shtime.
Në Kosovë janë 1 mijë e 333 raste aktive me COVID-19.
Coronavirusi apo COVID-19 është sëmundje ngjitëse e cila transferohet te tjetri përmes spërklave të cilat përhapen në ajër përmes të folurit, kollitjes apo teshtitjes. Ky virus nisi të përhapet në fund të vitit të kaluar.
Bartja e maskave, mbajtja e distancës sociale prej së paku 1.5 metra dhe higjiena personale janë mënyra më e mirë për mbrojtje nga infeksioni COVID-19