Albin Kurti: Qeveria e re do të formohet në muajin e ardhshëm

Kandidati i Lëvizjes Vetëvendosje, Albin Kurti, tha se pret që Qeveria e re e Kosovës të formohet në muajin e ardhshëm.

Këtë deklaratë ai e bëri gjatë një interviste në televizionin Syri TV.

Kurti tha se Qeveria duhet të formohet sa më parë, sepse duhet të votohet edhe buxheti i vitit të ardhshëm.

Si rezultat i vonesës së formimit të Qeverisë ai tha se Kosova po humb mbështetje financiare.

Albin Kurti insistoi se Qeveria e drejtuar prej tij do të përfshijë LDK-në dhe partitë e tjera të komuniteteve por se pret që të saktësohet numri i ulëseve që ata do të zënë në Kuvendin e ri të Kosovës.