Zjarr në malet e Deçanit

Një zjarr ka kapluar malet në Grykën e Deçanit mbrëmë.

Video të këtij zjarri kanë qarkulluar në rrjetet sociale.

KALLXO.com ka konfirmuar jo zyrtarisht nga Policia e Kosovës se zjarri ka kapluar pjesën malore ndërsa shkaqet nuk dihen ende.

Fatmir Morina, zyrtar për mbrojtjen e parqeve nacionale për KALLXO.com tha se zjarri që ka ndodhur ka qenë jashtë parkut nacional.

” E kemi pa zjarrin por nuk ka qenë brenda parkut nacional, ka qenë diku mbi manastir”, tha Morina.