![](https://kallxo.com/wp-content/uploads/2020/06/1-4-1-695x310.jpg)
Edhe një rast i shënjestruar nga Prokuroria Speciale
Një rast i ri penal është shënjestëruar si pjesë e kushtit për liberalizimin e vizave, megjithëse nuk është bërë e ditur se cili është ai rast.
Kryeprokurori i Prokurorisë Speciale, Blerim Isufaj, si përfaqësues i Kryeprokurorit të Shtetit, për përzgjedhjen dhe shënjestrimin e Krimeve të Rënda, ka mbajtur sot takimin e radhës me ekipin e përbashkët për përzgjedhjen dhe shënjëstrimin e Krimeve të Rënda.
Sipas komunikatës gjatë këtij takimi është prezantuar puna dhe ecuria e rasteve të shënjestruara deri më tani, me theks të veçantë për periudhën kohore gjatë pandemisë.
Tutje në komunikatë thuhet se ekipi i përbashkët për përzgjedhjen dhe shënjëstrimin e krimeve të rënda, kanë shënjestruar edhe një rast të ri.
Gjithashtu, Kryeprokurori Isufaj, ka bërë të ditur se pavarësisht pandemisë COVID-19, Prokuroria Speciale gjatë kësaj kohe ka arritur ti ngrit katër (4) aktakuza, ku janë të përfshirë gjashtëdhjetetre (63) persona, për vepra të ndryshme penale.