Thirrje për aplikim: BIRN Internet Freedom Meet 2024 në Shkup
Internet Freedom Meet 2024 (IFM 2024) do të mbahet në Shkup, në Maqedoni të Veriut, nga data 17 deri më 20 qershor.
Takimi do të bashkojë ekspertë të fushës së të drejtave dixhitale dhe lirive të internetit për të shkëmbyer, mësuar dhe diskutuar çështje të të drejtave dhe lirive dixhitale gjithnjë në zgjerim.
Programi ofron seanca plenare, panele diskutimi dhe leksione që synojnë fuqizimin, edukimin dhe kontributin në një angazhim më të madh në fushën e të drejtave dixhitale në Ballkanin Perëndimor.
Çfarë është në rend të ditës?
Folësit dhe ekspertët në fushën e tyre do të udhëheqin diskutime mbi çështje si qeverisja dixhitale, privatësia dhe mbrojtja e të dhënave, dezinformimi në internet dhe ekstremizmi i dhunshëm, përdorimi i përgjegjshëm i inteligjencës artificiale (AI) dhe të drejtat gjinore në internet. Të gjitha seancat do të jenë të hapura për diskutime interaktive me të gjithë pjesëmarrësit.
Ju lutemi vini re se programi do të mbahet në gjuhën angleze.
Arsyet për të aplikuar?
IFM 2024 në Shkup është një mundësi unike rajonale për t’u angazhuar me ekspertë nga grupe të ndryshme të aktorëve të qeverisjes së internetit, për të fituar njohuri dhe për të kontribuar personalisht në një mjedis të ardhshëm dixhital që është më i lirë, më i sigurt dhe i hapur për të gjithë.
Kjo hapësirë është për ju, pavarësisht nëse jeni aktivist i të drejtave dixhitale, entuziast i teknologjisë, akademik, gazetar, pasionant i politikave të internetit ose përdorues i angazhuar në internet. Aplikimet janë të hapura për individë nga Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia. Qeverisja e hapësirës dixhitale do të thotë që çdo zë ka rëndësi në diskutimet që na shqetësojnë të gjithëve.
Si të aplikoni?
Aplikimet janë tashmë të hapura, por ju lutemi vini re se vendet janë të kufizuara. Ju mund të aplikoni duke plotësuar këtë formular aplikimi deri më 30 maj 2024, në orën 23:59 CET.
BIRN do të mbulojë shpenzimet e akomodimit dhe udhëtimit për pjesëmarrësit e përzgjedhur nga vendet e lartpërmendura. Vetëm aplikuesit e përzgjedhur do të kontaktohen.
Mezi presim aplikimet tuaja.
Nëse keni pyetje në lidhje me IFM 2024, ju lutemi kontaktoni [email protected]
