Honor prezanton telefonin e saj të ri të palosshëm
Honor ka prezantuar dy pajisje të reja në ofertën e saj. Bëhet fjalë për një telefon të palosshëm, Honor Magic Vs, i cili duhet të shfaqet edhe në tregun evropian dhe Honor 80, një telefon i serisë N i destinuar për përdoruesit që shpenzojnë shumë kohë duke prodhuar përmbajtje multimediale.
“Jemi jashtëzakonisht të kënaqur ta prezantojmë telefonin tonë të ri të gjeneratës së ardhshme HONOR Magic Vs që e përkthen inovacionin revolucionar dhe përvojën e jashtëzakonshme të përdoruesit në një dizajn elegant dhe modern”, ka deklaruar George Zhao, Shefi Ekzekutiv i Honor.
Sipas Zhao, Honor Magic Vs do të jetë modeli i parë kryesor i palosshëm që do të debutojë në tregjet jashtë shtetit dhe jemi të sigurt se do të sjellë përparime të mëdha dhe do të ndryshojë mënyrën se si njerëzit në mbarë botën i përdorin telefonat inteligjentë.
Siç u theksua gjatë prezantimit, Honor Magic Vs është vetëm 12.9 mm i trashë kur paloset dhe peshon vetëm 261 g, gjë që e bën atë aktualisht më të hollë në segmentin e tij, por edhe më të rehatshëm për tu mbajtur dhe përdorur. Ai është i pajisur me një bateri 5000 mAh që e mbështet karikimin e shpejtë, i cili, sipas Honor, duhet të zgjasë gjithë ditën.
Ashtu si disa telefona të tjerë të palosshëm në treg, kjo pajisje përdor një ekran të brendshëm fleksibël dhe një ekran të jashtëm, më të vogël. Sipas zyrtarëve nga Honor, ky është një ekran simetrik pa boshllëqe apo rrudha të dukshme dhe nëse do të mbetet i tillë edhe pas disa muajsh përdorimi, mbetet për t’u parë. Ata theksuan se pajisja ka një menteshë të lehtë që është bërë duke përdorur një teknologji të veçantë – është e derdhur në një copë, për shkak të së cilës numri i komponentëve është zvogëluar nga 92 në vetëm 4.
Mentesha është bërë nga materiale të cilësisë së lartë e cila përdoret në industrinë e aviacionit dhe, sipas Honor, mund të përballojë më shumë se 400 mijë hapje.
Ky model krenohet me një ekran 6,45 inç kur paloset, me një raport pamjeje 21:9 dhe një raport ekran-trup prej 90%. Kur shpaloset, ka një ekran 7.9 inç, duke e afruar më shumë me tabletët dhe duhet ta lehtësojë punën dhe shikimin e dokumenteve dhe përmbajtjeve multimediale për përdoruesit.
Zyrtarë nga Honor tutje shtojnë se ata i kushtuan vëmendje të veçantë shëndetit të syve të përdoruesve të tyre, kështu që Honor Magic Vs vjen me një shpejtësi të rifreskimit të ekranit prej 120 Hz, një funksion Dinamik Dimming që e rregullon ndriçimin e ekranit për të siguruar kontrast të përmirësuar në errësirë dhe një funksion i ri Circadian Night Display që i redukton efektet negative të dritës blu dhe i ndihmon përdoruesit ta përmirësojnë cilësinë e gjumit, energjinë dhe produktivitetin gjatë ditës. Gjithashtu, të dy ekranet janë të pajisura me teknologjinë e zbehjes PWM 1920 Hz që e redukton vibrimin.
Kjo pajisje vjen me një sistem kamerash të trefishtë që përbëhet nga një kamerë kryesore 54MP IMX800, një kamerë kryesore 50MP ultra e gjerë dhe makro dhe një kamerë me zmadhim optik 8MP 3X. Ato ndihmohen edhe nga Image Engine dhe inteligjenca artificiale, në mënyrë që fotot të jenë sa më të mira edhe në kushte më të këqija.
Mundësohet nga Qualcomm Snapdragon 8+ Gen 1 dhe vjen me 8 GB RAM dhe 256 GB hapësirë ruajtëse ose 12 GB RAM dhe 256/512 GB hapësirë ruajtëse.
Një risi interesante është sistemi i sigurisë së dyfishtë – Dual TEE (Trusted Execution Environment) i zhvilluar në bashkëpunim me Qualcomm, i cili u ofron përdoruesve mbrojtje në nivel harduer, duke siguruar privatësi dhe siguri të përmirësuar. Ai përdor Honor’s MagicOS 7.0 bazuar në Android 12 dhe vjen me të gjitha shërbimet e zakonshme të Google.
Përveç Magic Vs, u prezantua gjithashtu seria Honor 80, e cila përfshin Honor 80 Pro dhe Honor 80. E dizajnuar kryesisht për krijuesit e përmbajtjes multimediale, kjo seri është e pajisur me një veçori AI Vlog Master që ndihmon në identifikimin e saktë të skenarëve të xhirimit dhe rekomandon modalitet më të përshtatshëm të fotografimit, duke përfshirë makro, natë, portret, prerje solo, video me shumë video dhe video HDR, ndërsa Honor Image Engine ofron përpunimin e fotografisë dhe përshtatjen ndaj kushteve të ndryshme të ndriçimit.
Ashtu sikurse Magic Vs, seria Honor 80 vjen me një sistem kamerash të trefishtë në anën e pasme. Kështu, kamera kryesore 160 MP është përgjegjëse për nxjerrjen e fotografive, me një sensor të madh 1/1,56 inç me një piksel prej 2,24 µm, si dhe ka edhe kamera ultra të gjera prej 50 MP (Honor 80 Pro) ose 8 MP (Honor 80) dhe ai 2MP për përshtypjen e thellësisë në foto.
Këtu janë të pranishëm edhe Qualcomm Snapdragon 8+ Gen 1, një bateri 4800 mAh dhe Honor’s MagicOS 7.0 i bazuar në sistemin operativ Android 12. /Dnevnik.hr
Përgatiti: Nuhi Shala
