Qendra e Numërimit dhe Rezultateve. Foto: KQZ
‘Vjedhja’ e votave nga ana e PDK-së në Skenderaj - Dokument
Monitoruesit e KALLXO.com, të cilët janë duke përcjellë procesin e rinumërimit të votave në Skenderaj, kanë vërejtur se në një qendër votimi ka pasur dallime të mëdha në votat e kandidatëve për deputetë nga radhët e Partisë Demokratike të Kosovës (PDK).
Diferencë në numërime dhe rinumërime ka pasur edhe në votat e përgjithshme për subjektet politike që kanë garuar në zgjedhjet parlamentare të 6 tetorit.
Në vendvotimin 2101X/02R në gjimnazin “Hamëz Jashari” në Skenderaj, Partisë Liberale Egjiptiane pas rinumërimit iu hoq 1 votë, nga 2 sa kishte.
Gjithashtu edhe PDK-ja mbeti pa një votë, pasi nga 256, pas rinumërimit i mori 255 vota.
Partia e Ashkalinjëve për Integrim, fillimisht nuk e ka pasur asnjë votë, kurse pas rinumërimit e mori 1.
Ndërkaq, Partia Fjala e cila pati vetëm 1 votë, mori edhe 1 tjetër, në këtë qendër votimi.
Lëvizja Vetëvendosje (VV), nga rinumërimi humbi 1 vota, nga 50 sa kishte në fillim, përderisa Lidhjes Demokratike të Kosovës (LDK), iu shtua një votë, duke i marrë 51 sosh.
Anëtarët e komisionit në numërimin fillestar ishin: Mirjeta Hajrizaj – kryesuese, Sabile Veseli, Shaban Vojvoda, Sejdi Salihi dhe Skender Tahiri.
Ndërsa, në rinumërim komisioni kishte këtë përbërje: Erza Maxharraj – kryesuese, Erlindë Suka, Arjeta Zullufi, Fatmir Mujaj, Valdete Topalli dhe Abetare (mbiemri nuk kuptohet).
45 kandidatë për deputetë nga radhët e PDK-së, kanë pasur dallim në vota nga numërimi dhe rinumërimi në QNR, sipas formularëve të publikuar nga KQZ-ja.
Kandidati për kryeministër nga PDK-ja, Kadri Veseli mbeti pa 10 vota pas rinumërimit në vendvotimin në Skenderaj, pasi nga 223, mori 213 vota.
Gjithashtu edhe kandidatja për deputete, Ariana Musliu – Shoshi, humbi shumë pas rinumërimit të votave.
Ajo nga 115 vota, mbeti me 96 të tilla, apo 19 vota më pak se në numërimin fillestar. Njëjtë sikurse bashkëpartiakja e saj, Mirjeta Rukolli nga 25 vota, i mbetëm vetëm 8 vota.
Ndërsa, Uran Ismaili nga 28 vota sa pati në fillim, pas rinumërimit i mbetën 22 sosh, kurse Ganimete Musliu zbriti në minus 7 vota.
PDK
| Emri i kandidatit | Numërimi | Rinumërimi |
| Kadri Veseli | 223 | 213 |
| Eliza Hoxha | 11 | 9 |
| Valon Murati | 5 | 3 |
| Besa Ismaili – Ahmeti | 7 | 5 |
| Memli Krasniqi | 13 | 14 |
| Bedri Hamza | 55 | 54 |
| Blerta Deliu – Kodra | 25 | 27 |
| Uran Ismaili | 28 | 22 |
| Xhavit Haliti | 5 | 2 |
| Safete Hadergjonaj | 2 | 1 |
| Bajrush Xhemaili | 4 | 2 |
| Mergim Lushtaku | 130 | 128 |
| Ganimete Musliu | 73 | 66 |
| Abelard Tahiri | 31 | 32 |
| Evgjeni Thaçi – Dragusha | 17 | 15 |
| Kujtim Gashi | 16 | 9 |
| Idriz Vehapi | 1 | 2 |
| Fatmir Xhelili | 15 | 18 |
| Dhurata Hoxha | 4 | 2 |
| Andin Hoti | 3 | 2 |
| Ariana Musliu – Shoshi | 115 | 96 |
| Floretë Zejnullahu | 3 | 4 |
| Aurora Bakalli | 1 | 0 |
| Fehmi Mujota | 1 | 0 |
| Luljeta Veselaj – Gutaj | 2 | 1 |
| Arben Bislimi | 0 | 1 |
| Gentiana Beqa – Ahmeti | 1 | 3 |
| Izmi Zeka | 1 | 2 |
| Kurtan Kajtazi | 7 | 6 |
| Urata Tahiri | 0 | 1 |
| Shqiptar Demaçi | 8 | 7 |
| Isni Kilaj | 2 | 1 |
| Blerim Latifi | 14 | 15 |
| Fahrush Azemi | 1 | 2 |
| Lulzim Shoshi | 2 | 1 |
| Petrit Hajdari | 7 | 6 |
| Egzona Bytyqi | 3 | 1 |
| Nexhmi Muçiqi | 1 | 0 |
| Mirjeta Rukolli | 25 | 8 |
| Riad Rashiti | 1 | 2 |
| Hidaim Rama | 24 | 23 |
| Faik Geci | 34 | 35 |
| Bejtullah Deliu | 3 | 2 |
| Gazmend Bytyqi | 3 | 2 |
| Donjet Bislimi | 25 | 22 |
Kandidati për kryeministër nga koalicioni AAK-PSD, Ramush Haradinaj përfitoi një votë, të cilën nuk e kishte në numërimin e parë.
AAK – PSD
| Emri i kandidatit | Numërimi | Rinumërimi |
| Ramush Haradinaj | 0 | 1 |
Dallime në vota pati edhe për koalicionin Nisma – AKR – PD.
NISMA – AKR – PD
| Emri i kandidatit | Numërimi | Rinumërimi |
| Fatmir Limaj | 6 | 5 |
| Behgjet Pacolli | 3 | 2 |
| Endrit Shala | 6 | 5 |
| Fatmir Matoshi | 2 | 1 |
| Musa Dervishaj | 5 | 4 |
| Drenushe Hajzeri – Geci | 6 | 5 |
Pesë kandidatët e partisë Fjala përfituan nga një votë, të cilën nuk e kishin asnjëri në fillim.
FJALA
| Emri i kandidatit | Numërimi | Rinumërimi |
| Gëzim Kelmendi | 0 | 1 |
| Hasim Shtërbani | 0 | 1 |
| Eneida Kelmendi | 0 | 1 |
| Berat Dajaku | 0 | 1 |
| Blerim Kajtazi | 0 | 1 |
Pa dallime në vota nuk kaluan as deputetët e Lëvizjes Vetëvendosje.
Lëvizja Vetëvendosje
| Emri i kandidatit | Numërimi | Rinumërimi |
| Albin Kurti | 43 | 42 |
| Glauk Konjufca | 22 | 20 |
| Albulena Haxhiu | 13 | 12 |
| Ismajl Kurteshi | 2 | 1 |
| Hydajet Hyseni – Kaloshi | 0 | 1 |
| Besa Berberi | 0 | 1 |
| Nezir Bejta | 20 | 21 |
| Gazmend Gjyshinca | 2 | 3 |
| Lindita Rexha | 2 | 1 |
| Salih Zyba | 1 | 2 |
Edhe kandidatët e LDK-së, patën diferenca në vota pas rinumërimit. I tillë është rasti i Marigona Gecit, e cila përfitoi dy vota më shumë nga ky proces.
LDK
| Emri i kandidatit | Numërimi | Rinumërimi |
| Vjosa Osmani | 45 | 44 |
| Kujtim Shala | 16 | 15 |
| Doruntinë Maloku – Kastrati | 8 | 6 |
| Valon Murtezaj | 39 | 40 |
| Arban Abrashi | 4 | 5 |
| Fatmir Rexhepi | 2 | 1 |
| Flutura Beka – Kamberaj | 1 | 2 |
| Hyrë Tejeci – Murati | 3 | 2 |
| Naser Rugova | 0 | 1 |
| Rrezarta Krasniqi | 4 | 5 |
| Besa Beqiri | 1 | 2 |
| Shefki Gashi | 3 | 0 |
| Marigona Geci | 28 | 30 |
| Ibish Mazreku | 0 | 1 |
| Faton Peci | 3 | 4 |
KALLXO.com ka raportuar se Prokuroria e Shtetit është duke vëzhguar për së afërmi procesin e rinumërimit të votave në Qendrën e Numërimit dhe Rezultateve që prej ditës kur Komisioni Qendror i Zgjedhjeve vendosi për rinumërimin e 530 vendvotimeve të enjten e kaluar.
Në një përgjigje për KALLXO.com, Prokuroria Themelore në Prishtinë tha se pas ftesës së kryetares së KQZ-së, Valdete Daka, prokurori kompetent së bashku me hetuesit nga Policia e Kosovës kanë dal në vendin e ngjarjes.
KALLXO.com ka raportuar lidhur me parregullsitë e numërimit të votave edhe në Deçan, Gjilan, Dragash , Drenas dhe Gjakovë.
