Dështimi i Muharrem Nitajt, nuk i siguron votat për deputet
Ish deputeti i AAK-së, Muharrem Nitaj, edhe përfundimisht nuk do të jetë deputet në Kuvendin e ardhshëm të Kosovës.
Kjo pasi ai nuk ka arritur të marrë numrin e votave të mjaftueshme.
Nitaj në zgjedhjet e 6 tetorit ka siguruar vetëm 2,557 vota.
Ndërsa në zgjedhjet e kaluara të vitit 2017, Muharrem Nitaj kishte marrë gjithsej 8,982 vota.
Pjesë e Kuvendit të Kosovës nga koalicioni AAK-PSD do të jenë Daut Haradinaj, Bekë Berisha, ministri në largim i Infrastrukturës, Pal Lekaj, Time Kadrijaj, Rasim Selmanaj, Gazmend Syla, Ali Berisha, Arbër Tola, Shkumbin Demaliaj, ish ministrja e Ambientit, Albena Reshitaj, Teuta Haxhiu, Donika Kadaj-Bujupi.
Kurse deputetja e vetme nga rradhët e Partisë Socialdemokrate (PSD), do të jetë Natyra Kuçi me 4,452 vota, duke hyrë në Kuvend, për të plotësuar kuotën gjinore.
Nga kjo garë elektorale, Lëvizja Vetëvendosje ka dal partia e parë, me 220,811 vota ose 26.159% apo 32 deputetë.
LDK më 6 tetori grumbulloi 205,458 vota apo 24.458% me 29 deputetë.
Partia e tretë ka dalë PDK me 178,645 vota apo 21.163% apo 25 deputetë.
Koalicioni AAK-PSD ka marr 96,883 vota apo 11.477% apo 14 deputetë.
Lista Serbe ka marr 10 deputetë apo 57,015 vota apo 6.754%.
Koalicioni Nisma – AKR – PD nuk ka arritur ta kalojë pragun zgjedhor. Ky koalicion grumbulloi vetëm 42,072 vota apo 4.984%.
Ndarja e kulaçit – KQZ shpallë rezultatet përfundimtare të zgjedhjeve
.