Zëvendësministri që përdor Ë-të vend e pa vend

Zëvendësministri në Ministrinë e Shëndetësisë, Granit Abdullahu ka dorëzuar një raport 22 faqësh me plot gabime drejtshkrimore.

Zëvendësministri Granit Abdullahu, në raportin 100 ditor të punës së tij dorëzuar kryeministrit, të cilin e ka siguruar KALLXO.com , në një paragraf të vetëm me 3 fjali ai ka vendosur 15 ‘ë’ të tepërta duke mos numëruar edhe gabimet e tjera drejtshkrimore të cilat mund t’i shihni në paragrafin e mëposhtëm.

Ë-të e tepërta në një paragraf të vetëm (nuk janë të nënvizuara gabimet e tjera drejtshkrimore)

Abdullahu ka raportuar edhe për vizitën në qendrën psikosociale ‘Diakonia’ në Mitrovicë. Duke shpjeguar problemet që trajton kjo qendër, ai i ka treguar kryeministrit edhe cilat janë pasojat e psikotraumatologjisë në një shoqëri duke marrë shembuj nga lufta e parë botërore.

“2 milionë ushtarë gjerman të vdekur, 1.4 milionë ushtarë francezë të vdekur, 1.7 milionë ushtarë rusë të vdekur, 1 milion ushtarë britanikë të vdekur, 1.2 milionë ushtarë austro-hungarezë të vdekur, 20 milionë viktima të luftës”, ka shkruar Abdullahu në raportin e tij.

Granit Abdullahu ka përmendur në raport edhe takimet ditore që i ka pasur në zyre.

“I nderuari kryeministër, Ramush Haradinaj, në zyre kam shumë takime ditore të ndryshme me palë të ndryshme, për kërkesa të shumllojshme, duke u nisur nga ajo me më pak rëndësi te ato që janë shumë me rëndësi”, ka shkruar Abdullahu.

KËTU mund të lexoni raportin e plotë të zëvendësministrit Granit Abdullahu.

KALLXO.com do të vazhdoj t’i publikoj nesër raportet e radhës të zëvendësministrave.

Shkrime të tjera nga dosja e zëvendësministrave:

Zëvendësministri që bën gazetarin në raportin e tij, e citon veten

Zëvendësministri lëvdohet tek Haradinaj për punën e antidrogës

Zëvendësministrja e Punëve të Jashtme raporton 29 vizita

Anton Berisha i ankohet Haradinajt, Behgjet Pacolli po e favorizon bashkëpartiaken

Zëvendësministri që pushoi në muajin e parë të punës

Zëvendësministri: Kam qenë prezent në konferencën e kryeministrit Haradinaj

Zëvendësministri ndihet komod me karrigen

Zëvendësministri e raporton punë takimin me Ministrin

Zëvendësministri e llogaritë punë pjesmarrjen në tryeza e konferenca