Zeka - Mustafës: Asnjë vendim nuk e keni marrë pa urdhrin e Hashim Thaçit
Ish-kryeshefi i Telekomit të Kosovës, Agron Mustafa, ka dhënë para deputetëve në dëshminë e tij për gjendjen në Postën dhe Telekomin e Kosovës.
Gjatë intervistimit të ish-kryeshefit Agron Mustafa, pati përplasje deklaratash mes tij dhe deputetit Milaim Zeka.
“Në bazë të dokumenteve që kemi çdo kryeshef dhe bord i Telekomit të shkojnë në burg. Ky është vend i karagjosve” – Milaim Zeka
Ai e pyeti Mustafën “Pse ka ndodhë përleshja fizike me Rexhë Gjonbalaj?”
Mustafa ka thënë se nuk pranon të jep përgjigje për këtë çështje.
Zeka e akuzuar se Drejtori i Marketingut, Arben Shabani, është prapa studios ‘2B’, që ka marrë mbi 4 milionë euro, që sipas Zekës është shok i ngushtë i Agron Mustafës.
“Asnjë vendim as ti, as Shqyeri Haxha, e as Etrur Rrustemi e as një shef ekzekutiv nuk e keni marrë pa urdhrin e Hashim Thaçit”, tha Milaim Zeka.
“Ju s`keni problem, me letra jeni të rregulluar si ma së miri. Kanë marrë Indeksonline, Insajderi, Top Channel kanë marrë para prej juve. I keni dhënë sponsorizim televizionit publik që merr para prej taksapaguesve. Ju keni japë para edhe ambasadave dhe nëse del faktura e saktë sepse dyshoj që njerëzit e tu kanë mujt m`i falsifiku dhe ambasadat duhet mi kërku llogari”, Zeka.
https://kallxo.com/zemaj-mustafes-agron-a-i-ki-keqyr-letrat-a-ki-keqyr-filma/
.