Burgu i Dubravës - Foto: Ilustrim
Vizitori i Burgut Kapet me Marijuanë
12.10.2017 - 14:49
Policia në raportin e saj të përditshëm njofton për arrestimin e një vizitori në sallën e vizitave të Burgut të Dubravës.
Arrestimi, sipas policisë, ka ndodhur ngase të arrestuarit i është gjetur në rroba të brendshme substancë e dyshuar narkotike e llojit marihuanë me peshë 18 gramë.
Policia njofton se droga e gjetur është konfiskuar, ndërsa me vendim të prokurorit të arrestuarit i është caktuar ndalimi policor.
KALLXO.com ka shkruar edhe më herët për disa arrestime nën dyshimin për futje droge në Burgun e Dubravës.