Zubin Potok pamjet vendi ku u plagos polici i mbushur me gëzhoja plumbash
Gjatë aksionit të policisë në Veri, i cili ka rezultuar me arrestimin e disa personave, përfshirë edhe disa zyrtarë policorë, janë vendosur edhe barrikada.
Në rrugën në Zubin Potok, disa persona kanë vendosur barrikada duke përfshirë kamionë e drunj për të parandaluar aksionin e policisë.
Pas vendosjes së këtyre barrikadave, ekipi i KALLXO.com në vendin e ngjarjeska raportuar se ka pasur përleshje mes barrikaduesve dhe policisë.
KALLXO.com ju sjell fotografi dhe video të gëzhojave të plumbave pas përleshjes mes policisë dhe barrikaduesve në rrugën në Zubin Potok.
Në fotografitë e tjera të realizuara nga ekipi i KALLXO.com në veri të vendit, shihet se Policia e Kosovës i ka larguar barrikadat e vendosura nga serbët në atë pjesë.
Policia e Kosovës në një aksion i cili ka filluar mëngjesin e sotëm në veri të Kosovës, ka arrestuar disa persona nën dyshimin për krim të organizuar dhe kontrabandë.
Gjatë aksionit, deri më tani mësohet se dy pjesëtarë të PK-së janë plagosur dhe tre të tjerë kanë pësuar lëndime.
