Vetëvendosje: Prokuroria të hetojë krimin ekonomik në Telekom

Lëvizja Vetëvendosje thotë se qeveria e Kosovës po e injoron Kuvendin e Kosovës duke mos e zbatuar rezolutën e miratuar me 12 pika për Telekomin e Kosovës.

Albin Kurti, kryetari i Lëvizjes Vetëvendosje, ka thënë se pikat e paraparë në këtë rezolutë, e hartuar në bashkëpunim me grupin parlamentar të LDK-së, parasheh hapa që e nxjerrin Telekomin nga kriza dhe e vendosin atë në binarë e zhvillimit.

Kurti i ka lexuar të gjitha pikat e kësaj rezolute, e cila ndër të tjera kërkon shkarkimin e bordit aktual, auditimin e financiar dhe menaxherial të Telekomit si dhe tërheqjen nga marrëveshja e nënshkruar me kompaninë “Z-Mobile”.

“Sot e kësaj dite kjo qeveri nuk e ka ndërmarr asnjë hap, prandaj jemi këtu në mbrojtje të vendimit të Kuvendit që është shpërfillur”, ka thënë Kurti.

Nënkryetari i Lëvizjes Vetëvendosje, Salem Lepaja nga Komiteti për komunikime elektronike ka thënë se hapi i parë që duhet të ndërmerr qeveria është themelimi i grupit për menaxhimin e krizës, pasi do t’i hapte rrugë rishikimit të kontratave të dëmshme.

E një prej marrëveshjeve që duhet të rishikohet dhe anulohet sipas tij është ajo për operatorin Z-mobile.

“Kjo do t’i hapte rrugë zgjidhjes së marrëveshjes abuzive me kompaninë Dardafon.net LLC  përkatësisht me Z-mobile. Ftojmë prokurorinë e Republikës së Kosovës  të merret me krimin ekonomik që ka ndodhur në Telekomin Kosovës, në veçanti me kontratën joligjore me kompaninë Dardafon.net llc si shkaktari kryesor i krizës në Telekomin e Kosovës” tha Lepaja në konferencë.

ETIKETA

31 Korrik 2018 - 15:12

Drenushë Ramadani 31/07/2018 - 15:12
NDËRVEPRIMI0
Prishtina Insight
NA NDIQNI

Send this to a friend