Vdes e aksidentuara e dytë në rrugën Gjilan – Ferizaj

Si pasojë e aksidentit i cili ka ndodhur në rrugën Gjilan – Ferizaj, afër Fshatit Cernicë me datën 13 prill, ka vdekur edhe e aksidentuara e dytë e cila kishte pësuar lëndime të rënda.

Policia e Kosovës ka raportuar se viktima femër ishte për trajtim mjekësor në QKUK.

Me vendim të prokurorit trupi i pajetë i viktimës është dërguar në Institutin e Mjekësisë Ligjore për autopsi.

Si pasojë e aksidentit që kishte ndodhur para disa ditëve një person kishte vdekur ndërsa pesë të tjerë ishin lënduar, dy prej të cilëve kishin marrë lëndime të rënda.

KALLXO.com ka raportuar për aksidentin në fjalë.

http://kallxo.com/nje-i-vdekur-pese-te-lenduar-ne-aksident-trafiku-ne-gjilan/