Foto: Kallxo.com

Vdekja e punëtorit nga Peja, reagon BSPK

Bashkimi i Sindikatave të Pavarura të Kosovës përmes një njoftimi për media ka shprehur shqetësim të thellë për kushtet e vështira të punës me të cilat po ballafaqohen punëtorët, sidomos ata të sektorit privat.

BSPK theks të veçantë ka vënë në rastin e vdekjes së punëtorit nga Peja, i cili pasi humbi dorën në aksident pune, ka vdekur në QKUK.

“Numri i të lënduarve dhe të vdekurve në vendin e punës po merr përmasa shqetësuese andaj BSPK shpreh shqetësim të thellë lidhur me këtë situatë dhe njëherit i shpreh ngushëllime familjes së punëtorit të aksidentuar këtë javë në punë dhe si rezultat i këtij aksidenti humbi dorën dhe me pastaj rezultoi edhe humbja e jetës”, thuhet në kumtesë.

BSPK shpreh keqardhje për këtë ndodhi dhe kushtet e vështira në të cilat po punojnë punëtorët në vendin e punës dhe njëherit bënë thirrje te organet kompetente që të ndërmarrin hapa që punëtorët, sidomos të sektorit privat të kenë mbrojtje dhe siguri më të madhe në punë.

https://kallxo.com/ende-nuk-ka-asnje-te-ndaluar-nga-policia-per-vdekjen-e-punetorit-ne-peje/

https://kallxo.com/vdes-personi-i-cili-humbi-doren-ne-vendin-e-punes/

https://kallxo.com/peje-humb-doren-ne-vendin-e-punes/

.