Universiteti i Prizrenit bëhet me ushtrues detyre të rektorit

Këshilli Drejtues i Universitetit të Prizrenit “Ukshin Hoti” ka njoftuar përmes një komunikate për zgjedhjen e ushtruesit të detyrës së rektorit.

Ushtrues detyre është zgjedhur Ismet Temaj dhe ai do të jetë në këtë post deri në zgjedhjen e rektorit.

“Këshilli Drejtues i Universitetit “Ukshin Hoti” në Prizren, në mbledhjen e mbajtur të premten më 21.12.2018, ka zgjedhur për ushtrues detyre të Rektorit Prof. Dr. Ismet Temaj. Këtë detyrë Temaj do ta ushtroj deri në zgjedhjen e Rektorit. Në këtë mbledhje KD ka anuluar vendimin e datës 22.05.2018 për zgjedhjen e rektorit”, thuhet në komunikatë.

Gjatë ditë së sotme Parlamenti Studentor i këtij universiteti ka protestuar paqësisht para universitetit.

Ata me këtë protestë kanë kërkuar vëmendjen e Ministrisë së Arsimit për gjendjen e këtij institucioni dhe depolitizimin e tij.

https://kallxo.com/studentet-e-prizrenit-paralajmerojne-bojkotim-te-mesimit/

https://kallxo.com/studentet-e-prizrenit-ne-proteste/

https://kallxo.com/studentet-prishin-mbledhjen-ku-parashihej-te-zgjidhej-u-d-rektori-i-universitetit-te-prizrenit/

Zgjedhja problematike e Rektorit të Universitetit të Prizrenit