VV mblidhet për ta pritur përgjigjen e LDK-së
30.8.2019 - 17:14
Pas ftesës për bashkëpunim me LDK-në nga ana e Albin Kurtit, kryesia e Lëvizjes Vetëvendosje është mbledhur në takim.
Ata janë në pritje të përgjigjes nga Lidhja Demokratike e Kosovës ndaj ofertës që Kurti i bëri sot pasdite kryetarit të kësaj partie, Isa Mustafa.
Pak më herët, Kurti i propozoi Mustafës një listë të përbashkët të kandidatëve LDK-VV në të cilën kandidatja e LDK-së për kryeministre do të ishte e para në listë ndërsa kandidati i VV-së i dyti.
Afati për regjistrimin e koalicioneve parazgjedhore në KQZ skadon sonte në mesnatë.