Rriten shifrat: Coronavirus u mori jetën 227 qytetarëve të Kosovës

Kosova brenda 24 orëve ka humbur edhe 15 persona të tjerë për shkak të COVID-19.

Nga rezultatet e publikuara nga IKSHPK bëhet e ditur se 15 persona kanë vdekur për 24 orë.

115 të tjerë janë shëruar dhe 226 raste të reja me SARS- CoV-2.

Rritja e rasteve të vdekjeve nga COVID-19 është alarmante, edhe dje në Kosovë kanë vdekur 16 persona si pasoj e coronavirusit ndërsa në total kanë vdekur 227 qytetarë.

Njoftimi i IKSHPK-së:

115 TË SHËRUAR DHE 226 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 459 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 226 raste pozitive.

Numri total i rasteve pozitive është 8.330 raste nga 36.509 persona të dyshimtë në virusin SARS-CoV-2, me gjithsej 227 raste të vdekjes të cilët kanë pasur sëmundje të tjera shoqëruese.

Gjatë 24 orëve të fundit, janë shëruar 115 pacientë derisa numri i përgjithshëm i të shëruarve deri më sot është gjithsej 4.578 raste, kurse numri i rasteve aktive është 3.525.

Rastet pozitive janë nga: komuna Prishtinë 82 raste, komuna Podujevë 26 raste, komuna Fushë Kosovë 18 raste, komuna Mitrovicë 15 raste, komuna Pejë 13 raste, komuna Gjakovë 12 raste, komuna Gjilan 9 raste, komuna Klinë 7 raste, komuna Viti 7 raste, komuna Vushtrri 7 raste, komuna Lipjan 6 raste, komuna Deçan 4 raste, komuna Drenas 4 raste, komuna Skenderaj 4 raste, komuna Malishevë 3 raste, komuna Ferizaj 2 raste, komuna Kamenicë 2 raste dhe me nga 1 rast komunat: Kaçanik, Prizren, Shtime, Shtërpce dhe Suharekë.