Rast i shënjestruar, Shukri Buja para gjykatës

Në Gjykatën Themelore në Prishtinë është duke u mbajtur seanca gjyqësore ndaj ish-kryetarit të komunës së Lipjanit, Shukri Buja, i cili nga prokuroria akuzohet për keqpërdorim të detyrës zyrtare.

Bashkë me Bujën të akuzuar në këtë rast janë edhe Nebih Zeqiri, Halit Gashi, Fahri Retkoceri, Hasim Vishesella, Edmond Rexhepi, Driton Avdiu, Burim Kodra, Bajram Rizani dhe Magbule Sadiku.

Gjatë seancës së kaluar mbrojtjen e kishte dhënë Ramë Buja, ndërsa gjatë seancës së sotme gjyqësore të akuzuarit e tjerë po vazhdojnë ta japin mbrojtjen.

https://kallxo.com/buja-pyetet-nese-ka-ushtruar-presion-ne-drejtorin-e-urbanizmit-rreth-lejes-per-nje-objekt/

Ky rast është në mesin e rasteve të shënjestruara për liberalizim të vizave.

Buja po akuzohet nga Prokuroria për keqpërdorim të pozitës zyrtare në lidhje me një memorandum mirëkuptimi të nënshkruar nga komuna e Lipjanit me kompaninë “NEW Co Feronikel Complex LL. C.”.

Tre nga këta të akuzuar në kohën për të cilën ngarkohen ishin zyrtarë në komunën e Lipjanit.

Komuna e Lipjanit në kohën kur drejtohej nga Shukri Buja, më 21 mars 2008 kishte nënshkruar memorandum me “NEW Co Feronikel Complex LL. C.” për dhënien me qira kësaj kompanie një ndërtesë të laboratorit në Lipjan.

Sipas aktakuzës, në memorandum ishte përcaktuar që “NEW Co Feronikel Complex LL. C.” të paguajë nga një euro në muaj qira për objektin e laboratorit, ndërsa kompanisë ky laborator i ishte dhënë për 10 vjet.

Me këtë Prokuroria pretendon se i është shkaktuar dëm komunës së Lipjanit.

Më 28 prill Buja u deklarua i pafajshëm për akuzat me të cilat ngarkohet.

https://kallxo.com/shukri-buja-deklarohet-pafajshem/

KALLXO.com ka shkruar në vazhdimësi për këtë proces gjyqësor.