Policia jep detaje për aksidentin te Mensa e Studentëve
24.6.2021 - 12:12
5 vetura janë përfshirë në aksidentin e rëndë afër Mensës së Studentëve ku një kamion ka dalë nga rruga e tij, duke goditur mbrojtëset e hekurit anash dhe disa vetura të tjera.
Policia e Kosovës ka dhënë detaje për këtë aksident, duke njoftuar se dy persona janë lënduar.
“Si pasojë e aksidentit dy persona kanë pësuar lëndime trupore. Të njëjtit janë dërguar për trajtim të nevojshëm mjekësor”, thuhet në përgjigjen e Policisë për KALLXO.com.
Tutje policia ka thënë se hetuesit e njësitit të trafikut rajonal po merren me rastin.