Ndalohen dy persona për shkak të dyshimit se kanë kryer veprën penale të dhunimit
16.4.2021 - 16:33
Prokuroria Themelore në Gjilan, sot ka ndaluar dy persona. Të pandehurit S.H. dhe V.L., janë ndaluar për shkak të dyshimit se kanë kryer veprën penale dhunimi, vepër kjo e dënuar me ligj.
Sipas Prokurorisë të pandehurit e sipërshënuar, gjatë muajve shkurt dhe mars 2021, në komunën e Gjilanit, e kanë keqpërdorur seksualisht një të mitur, e cila ishte nën moshën 16 vjeçare.
“Të pandehurit me vendim të prokurorit gjenden në ndalim 48 orësh dhe ndaj tyre brenda afatit ligjor do të kërkohet masa e sigurisë nga Gjykata kompetente në Gjilan”, përfundon njoftimi i Prokurorisë.