Drejtori i Njësisë Speciale të Policisë bëhet Drejtor i Rajonit të Ferizajt
Drejtori i Divizionit të Njësisë Speciale, Emin Beqiri është emëruar Drejtor i Rajonit policor të Ferizajt.
KALLXO.com ka kontaktuar Beqirin i cili ka konfirmuar se ka marrë konfirmim zyrtar se i është nderruar pozita.
“Po tani jam Drejtor rajonal i Ferizajt deri tash kam qenë në Divizionin për Njësi Speciale. E kam marrë konfirmimin zyrtar”, tha Beqiri per KALLXO.com.
Gjatë ditës së sotme janë graduar një numër i madh i zyrtarëve policor në gradat, nënkolonel, kolonel, major dhe kapiten.
Gjithashtu KALLXO.com ka raportuar gjatë ditës së sotme se Drejtori Rajonal i Prishtinës Rexhep Sijrina është larguar nga pozita dhe do të dergohet në pikë kufitare.
Në anën tjrtër edhe Drejtori i Krimeve të Organizuara Agron Nezaj është trasnferuar në Njesi Speciale.
Vitin e kaluar Emin Beqiri, përfundimisht ishte liruar nga akuza për dy vepra penale pasi që shkalla e dytë e drejtësisë gjeti se nuk ka prova të mjaftueshme se ka kryer veprat keqpërdorim të detyrës dhe pengim të provuarit për të cilat akuzohej.
https://kallxo.com/apeli-aktakuza-ndaj-emin-beqirit-nuk-pati-prova/