Foto: Kallxo.com
Bora vështirëson qarkullimin e automjeteve dhe këmbësorëve (FOTO)
10.1.2019 - 10:32
Qytetet në Kosovë janë zgjuar të enjten me rrugë vështirë të kalueshme, dhe trotuare të papastruara nga bora e cila ka rënë gjatë orëve të natës dhe po vazhdon të bjerë edhe tash.
Ekipet e mirëmbajtjes, si duket, nuk kanë arritur t’i bëjnë ballë reshjeve për ta pastruar borën nga rrugët.
Në Prishtinë, rrugët kanë krijuar shtresa të akullt gjë që e ka vështirësuar qarkullimin e automjeteve ndërkohë që trotuaret mbeten të paprekura dhe shtigjet e kalimit janë krijuar vetëm nga këmbësorët.
Gjendje e vështirë në qarkullim është parë edhe në afërsi të Kijevës, në rrugën magjistrale Prishtinë Pejë.
Ndërkohë, disa fotografi që kanë ardhur nga Fushë Kosova tregojnë se rrugët janë në gjendje të rëndë për qarkullimin e veturave.