Avdullah Hoti emëron këshilltar politik për rininë
01.7.2020 - 20:46
Kryeministri i Kosovës, Avdullah Hoti e ka emëruar Fisnik Osmanin këshilltar politik për Rininë.
Lajmin e ka bërë të ditur vetë Osmani në rrjetin social “Facebook”.
“Sot fillova angazhimin tim si Këshilltar Politik për Rininë i Kryeministrit. Falënderoj Kryeministrin e Republikës së Kosovës z. Avdullah Hoti për besimin e dhënë”, ka shkruar ai.
Ai ka studiuar Fakultetin e Inxhinierisë Mekanike.
Fisnik Osmani ushtron detyrën e koordinatorit në Smart Center.
Gjithashtu është Profesor assistent në Universitetin e Mitrovicës përkatësisht në Fakultetin e inxhinierisë Mekanike dhe Kompjuterike.
Ai ka shërbyer edhe si asamblist i LDK-së në Komunën e Prishtinës në vitin 2016-2017.