FOTO: Facebook
Armend Muja reagon ndaj lajmit të rremë për dënimin e tij
03.4.2019 - 10:58
Armend Muja ka reaguar ndaj lajmeve se ai është dënuar me tre vjet burg.
Disa media sot kanë raportuar për dënimin e tij duke u referuar një komunikate të Gjykatës Themelore me inicialet A.M, që në fakt flet për dënimin e Avni Mazrekut.
Muja për KALLXO.com tha se këto lajme janë fushatë për njollosje.
“Sot u njoftova me lajmin e rremë për kinse dënimin tim. Gjykata në janar 2019 ka marrë vendim me të cilin jam shpallur i pafajshëm. Ky lajm i referohet gabimisht dënimit te Avni Mazrreku, akuzuesit tim! Lajm i rremë në fushatën e sponzorizuar mediatike për njollosjen time! Ditë e rëndë per kinse mediat dhe shoqerinë”, tha Muja.