Thaçi, Rama, Haradinaj e Veseli darkojnë pas 'skllotës'
Drejtues të shtetit të Kosovës kanë darkuar sonte së bashku me kryeministrin e Shqipërisë, Edi Ramën.
Në një foto të publikuar në Instagram nga i biri i presidentit Hashim Thaçi, Endriti, shihen duke darkuar presidenti Thaçi, kryeministri Ramush Haradinaj, kryeparlamentari Kadri Veseli, dy zëvendëskryeministrat, Behgjet Pacolli e Fatmir Limaj si dhe kryeministri shqiptar Edi Rama.
Darka është shtruar pas mosmarrëveshjeve të shfaqura mes presidentit Thaçi e kryeministrit Haradinaj sidomos lidhur me taksën 100 për qind të vendosur nga Qeveria e Kosovës ndaj mallrave serbe e boshnjake.
Presidenti është duke bërë trysni ndaj Qeverisë për ta hequr këtë taksë, duke u thirrur në kërkesën e Shteteve të Bashkuara për një gjë të tillë.
Duke përdorur metafora, presidenti e kishte paralajmëruar kryeministrin se mund të shkarkohej nëse nuk e hiqte taksën.
https://kallxo.com/thaci-thumbon-haradinajn-bora-ka-zene-te-shkrihet-shpejt/
Çështja e taksës ka ftohur edhe raportet mes koalicionit qeveritar të Kosovës, sidomos për shkak të këmbënguljes së Haradinajt për të mos e hequr.
Po ashtu, darka ka ndodhur një natë pas miratimit të buxhetit të Kosovës për vitin 2019 dhe votimit të Projektligjit për Dialogun.
Gjithashtu, darka i ka bërë bashkë pas paqartësive rreth qëndrimit të presidentit Thaçi për “korrigjimin e kufijve” me Serbinë.
https://kallxo.com/thaci-thote-se-ramush-haradinaj-ka-mentalitet-te-shekullit-te-kaluar/
www.kallxo.com