Thaçi në Bratisllavë, takime edhe me diplomatë të huaj
Thaçi pjesë edhe e panelit në forumin “Globsec2019” Në kuadër të forumit “Globsec2019” që po mbahet në Bratisllavë, presidenti i Kosovës, Hashim Thaçi do të ketë disa takime me diplomatë të huaj.
Presidenti Thaçi në orën 11:15 do të ketë një takim me Philip Reeker, zëvendëssekretar i shtetit për Evropë dhe Euroazi.
Pas këtij takimi Thaçi do të jetë pjesë e panelit në forumin “Globsec2019”, që pritet të fillojë pas orës 12:00.
Po ashtu, në kuadër të vizitës në Sllovaki, Thaçi pas forumit do të ketë edhe një takim me senatorin, Ronald Johnson, takim i planifikuar prej orës 16:30.
Ndryshe, kreu i shtetit dje para nisjes për Sllovaki, theksoi se në Bratisllavë nuk do të ketë takim të veçantë me homologun serb Aleksandar Vuçiq, veçse do të diskutohet për dialogun Kosovë-Serbi në kuadër të panelit.