Thaçi e Haradinaj injorojnë Konferencën për Skënderbeun
16.10.2018 - 11:19
Pavarësisht se kishin paralajmëruar pjesëmarrjen as Presidenti Thaçi e as Kryeministri Haradinaj nuk kanë ardhur në Amfiteatrin e Institutit të Historisë ku kanë filluar punimet e konferencës dy ditore ndërkombëtare për Skënderbeut, “Gjergj Kastrioti-Skënderbeu në 550 vjetorin e vdekjes”.
Organizatorët edhe pse kanë pritur më se një gjysmë ore janë detyruar t’i nisin punimet e konferencës pa pjesëmarrjen e liderëve të cilët kishin paralajmëruar edhe fjalë rasti.
Askush nuk ka pasur përgjigje për këtë ‘bojkot’ të lidershipit kosovar ndaj konferencës për Skënderbeun, e cila nisi sot në objektin e ri të Institutit të Historisë.
Ministri i Arsimit, Shyqyri Bytyçi, ka i vetmi nga zyrtarët e qeverisë që kanë ka përshëndetur konferencën.