Samsung Galaxy A52 5G - I lehtë, i përballueshëm, i kompletuar
28.4.2021 - 10:22
Samsung Galaxy A52 5G është një nga telefonat inteligjentë më të mirë me çmim të përballueshëm. Ka një ekran të madh, është i lehtë dhe ka të gjitha karakteristikat e nevojshme të cilat pritet t`i ketë një telefon Samsung.
Krahasuar me modelin A51 të vitit të kaluar, telefoni duket shumë i ngjashëm, por me një numër aktualizimesh, dhe disa ndryshime në dizajnin e përgjithshëm, shkruan The Verge
Dizajni
A52 përshtatet në mënyrë të përsosur midis dizajnave që kemi parë me A51 të vitit të kaluar dhe Galaxy S21 5G të këtij viti.
A52 vjen vetëm në një ngjyrë – e zezë e mrekullueshme – është një ngjyrë e shkëlqyeshme dhe nuk duket si e zeza standarde që shihet në shumë telefona të vjetër. Ngjyra ndryshon pak në dritë dhe është shumë unike.
Samsung A52 – The Verge
Ashtu sikurse telefonat e tjerë të fundit të Samsung, koleksioni i kamerës del pak nga pjesa e pasme e telefonit, por është vetëm një dalje e lehtë në krahasim me S21 ose Galaxy Note 20 Ultra.
Sa i përket butonave, telefoni ka një lëvizës vëllimi dhe një buton të energjisë që mund t’i mbani të shtypura për të hyrë në Bixby. Në cilësimet, mund të ndryshoni butonin e energjisë për të treguar thjesht fuqinë nga menuja, dhe mund të ndryshoni veprimin e shtypjes së dyfishtë ose për të hapur kamerën, për të hapur Bixby ose për të hapur një aplikacion sipas zgjedhjes suaj.
Dhe përndryshe, telefoni ka një port USB-C tani standard dhe një fole kufjesh për të gjithë ata që ende i mbajnë kufjet “old school”
Ekrani, Bateria & Zëri
A52 ka një ekran të shkëlqyeshëm 6.5 ″ FHD + sAMOLED me një shpejtësi rifreskimi 120Hz. Kjo shpejtësi e rifreskimit ndihmon që e gjithë përvoja ta ketë ndjesinë e një butësie dhe është ideale për lojëra.
Ndërsa A52 nuk ka ekran me rezolucion të lartë ashtu sikurse modeli S21, ekrani është i mirë, i ndritshëm dhe duket mirë në përgjithësi.
Ka një bateri prej 4,500 mAh dhe është është esenciale me madhësinë e ekranit, si dhe për shumicën e njerëzve që operojnë me shumë aplikacione.
Zëri në Galaxy A52 ishte gjithashtu mjaft i mirë. Zërimi përmes YouTube Music dhe Spotify, ka një performancë të mirë. Lojërat dhe videot gjithashtu ofrojnë cilësi të mirë të përgjithshme të zërit në këtë model.
Samsung A52 – The Verge
Kamera & Specifikat tjera
Për një telefon me çmim të përballueshëm për secilin, Galaxy A52 ka një koleksion të shkëlqyeshëm kamerash, duke përfshirë një kamerë të pasme 64 MP, një aparat fotografik makro, një aparat ultraëide dhe një aparat fotografik me thellësi, përveç një kamere të përparme 32 MP. Të gjitha ato megapikselë në kamerën kryesore gjithashtu nënkuptojnë që telefoni ka një zoom dixhital të mirë.
Stabilizimi optik i imazhit dhe tiparet e modalitetit të natës ndihmojnë në ofrimin e cilësisë së përmirësuar të imazhit në një numër situatash të caktuara.
Imazhet e kapura nga telefoni janë bukur të ndritshme, kanë thellësi dhe kontrast të madh.
Aplikacioni i kamerës gjithashtu ka një gamë të mirë të mënyrave, duke përfshirë Pro, Macro, Pro Video dhe Single Take.
Samsung A52 – The Verge
