Samsung ekspozon verzionin Galaxy S21 FE 5G
Samsung Electronics ka prezantuar telefonin e ri të mençur (smartfonin) Galaxy S21 FE 5G nga seria e pajisjeve Galaxy S21.
Samsung Galaxy S21 FE 5G sjell një dizajn të hollë 7,9 mm dhe vjen në katër ngjyra – ulliri, livando, e bardhë ose grafit me një përfundim mat, shkruan portali kroat tportal.hr.
Sipas Samsung, Galaxy S21 FE 5G është i pajisur me ‘procesorin më të fundit dhe jashtëzakonisht të shpejtë, sjell ekran të mprehtë të imazhit dhe grafikë me cilësi të lartë që lojtarët do t’i pëlqejnë veçanërisht’.
“Ajo që do të përmirësojë më tej luajtjen e video-lojërave është frekuenca e saj e rifreskimit 120 Hz, ndërsa në të njëjtën kohë ofron rezolucionin më të lartë në ekranin e saj Dynamic AMOLED 2X”, njoftoi kompania.
Bateria e Galaxy S21 FE 5G është krijuar, thonë nga Samsung, për përdorim gjatë gjithë ditës dhe është forcuar nga mundësitë e karikimit super të shpejtë prej 25 W, në mënyrë që ky telefon i mençur të mund të karikohet me më shumë se 50 për qind në vetëm 30 minuta kohë.
Pajisja përfshin gjithashtu një opsion të përmirësuar të xhirimit në modalitetin e natës në krahasim me Galaxy S20 FE të vitit të kaluar. Kamera e përparme 32 MP ju lejon të bëni selfie, ndërsa opsioni AI Face Restoration do të sigurojë që të gjithë të duken më së miri në foto. Plus, me shkrepjen e dyfishtë mund të qëndroni në kulmin e aksionit përpara dhe pas jush – thjesht duhet të filloni të shkrepni, ndërsa kamera do të ndjekë skenat nga të dy lentet në të njëjtën kohë.
Për më tepër, S21 FE 5G sjell një panel të ri të privatësisë në mënyrë që përdoruesi të mund të monitorojë të gjitha cilësimet e tij nga një vend.
Burimi:Fotografi të licencuara/ Autori: ID
“Ne jemi të përqendruar në sjelljen e inovacioneve më të fundit celulare te një numër në rritje i përdoruesve. Duke pasur parasysh reagimet e mëdha që morëm me prezantimin e linjës Galaxy S20 FE dhe Galaxy S21, vendosëm të vazhdojmë me këto hapa me telefonin e mençur Galaxy S21 FE 5G. Ne e kemi pajisur atë me karakteristikat kryesore që kanë një rëndësi të madhe për fansat tanë pasi synojmë t’u ofrojmë atyre një telefon të mençur që plotëson të gjitha dëshirat dhe nevojat e tyre më të rëndësishme”, tha TM Roh, President dhe Drejtues i Biznesit MX (Mobile eXperience) Samsung Electronics.
Samsung Galaxy S21 FE 5G do të jetë i disponueshëm në tregun global nga 11 janari i vitit 2022 në operatorët dhe dyqanet e autorizuara për telefona mobilë. Disponueshmëria do të ndryshojë në varësi të tregut.
