Pas Bing dhe Edge, Inteligjenca Artificiale po vjen në Word, Outlook dhe PowerPoint

Microsoft ka plane të mëdha me Inteligjencën Artificiale, IA, që mund të bëhet një pjesë kyçe e shumicës së produkteve të tyre. Tashmë i kemi mësuar sugjerimet e para për atë që mund ta presim kohët e fundit kur Microsoft prezantoi një version të përmirësuar të motorit të kërkimit Bing dhe shfletuesit të internetit Edge në të cilin u zbatua kjo teknologji.

Prandaj, Bing dhe Edge janë vetëm fillimi dhe së shpejti do të pasojnë produktet e tyre më të njohura si Word, PowerPoint, Outlook dhe aplikacione të tjera. Se si e parashikoi Microsoft zbatimin e inteligjencës artificiale në Word dhe mjete të tjera, duhet të dihet brenda një muaji, kur pritet prezantimi zyrtar. Të paktën kështu pretendojnë mediat teknologjike të njohura me situatën në kompani.

Inteligjenca Artificiale në PowerPoint dhe Excel, bazuar në udhëzimet e përdoruesit, mund të krijojë vetë grafika dhe grafikë të ndryshëm, të cilët do të thjeshtonin dhe shpejtonin punën në prezantime. Gjithashtu, nuk është e vështirë të konkludohet në bazë të gjithçkaje që kemi parë deri më tani me ChatGPT se brenda Word-it dhe aplikacioneve të tjera, inteligjenca artificiale e Microsoft-it mund të shkruajë tekste të ndryshme, të përgjigjet në e-mail dhe të ngjashme. Gjithçka që përdoruesi duhet të bëjë është t’i japë asaj udhëzime sa më të sakta dhe teksti do të shfaqet shpejt në ekran. Pas kësaj, do të duhet vetëm të redaktohet dhe mundësisht të korrigjohet për gabime gramatikore.

Mrë parasysh faktin që vetëm kohët e fundit ata prezantuan Bing dhe Edge me inteligjencën artificiale, prezantimi i produkteve të tjera kaq shpejt është vetëm provë se Microsoft-i po nxiton. Shumë janë befasuar nga ChatGPT dhe mundësitë e tij, dhe me këtë chatbot, u lansua një revolucion i vërtetë i IA, dhe kompanitë tani po përpiqen t’i prezantojnë mjetet dhe produktet e tyre të fuqizuara nga Inteligjenca Artificiale sa më shpejt të jetë e mundur në mënyrë që të zënë vendin e tyre në këtë treg.

Për shembull deri vonë, askush nuk mund ta imagjinonte që një konkurrent i motorit të kërkimit të Google do të shfaqej kaq shpejt, por situata ndryshoi rrënjësisht me prezantimin e chatbot-it të lartpërmendur, i cili na tregoi sesi kërkimi në internet mund të jetë ndryshe dhe më i thjeshtë. Tani Google ka prezantuar edhe chatbotin e vet të IA, i cili nuk po ka sukses në fillim dhe për shkak të vetëm një prej gabimeve të tij, vlera e tregut e kompanisë ka rënë me më shumë se 100 miliardë dollarë.

Siç raportohet nga The Verge, Microsoft është i bindur se, me zhvillimin dhe integrimin e IA në Bing dhe aplikacione të tjera, ata janë përpara Google, por janë të vetëdijshëm se ekziston gjithmonë mundësia që të shfaqen konkurrentë të rinj që mund të sjellin përçarje të reja në treg dhe ta kërcënojnë Office-in e tyre në një mënyrë të ngjashme që Microsoft dëshiron ta kërcënojë motorin e kërkimit të Google./The Verge

Përgatiti: Nuhi Shala