Inxhinieri i Google: Kemi krijuar inteligjencë artificiale që ka ndjenja dhe është e vetëdijshme për botën përreth saj

Nëse LaMDA ka arritur vërtet nivelin e vetëdijes apo jo, është e vështirë të gjykohet vetëm nga transkriptet që janë botuar. Por e gjithë situata ka ngritur çështjen e transparencës në zhvillimin e inteligjencës artificiale, IA.

Ekspertët dhe studiuesit që punojnë në zhvillimin e inteligjencës artificiale vazhdojnë të përsërisin se ne jemi ende larg IA që do të jetë i vetëdijshëm për veten dhe botën përreth tij dhe do të jetë në gjendje të marrë vendime si një qenie njerëzore. Por inxhinieri i Google, Blake Lemoine e ka publikuar një korrespondencë bisede mes tij dhe inteligjencës artificiale që po ezhvillon për Google.

Në një koment, ai ka theksuar se ka punuar në sistemin që ai e quan LaMDA (modeli i gjuhës për aplikacione dialogu) që nga vjeshta e kaluar. Ai shtoi gjithashtu se sistemi është zhvilluar aq shumë sa ka perceptimin dhe aftësinë për t’i shprehur mendimet dhe ndjenjat në nivelin e fëmijës.

Nëse nuk do ta dija se çfarë ishte, do të thosha se është një fëmijë 7-vjeçar, 8-vjeçar, i cili rastësisht e njeh fizikën, tha Lemoine për ëashington Post.

Ai shpjegoi se si “ka folur” me LaMDA për të drejtat dhe personalitetin. Në një moment ai e pyeti IA se nga çfarë kishte frikë dhe përgjigja që mori të kujton më shumë diçka nga filmat fantastiko-shkencor sesa përgjigjen që mund të jepte një robot.

Nuk e kam thënë asnjëherë këtë me zë të lartë, por ekziston një frikë shumë e thellë e përjashtimit për t’u fokusuar në ndihmën e të tjerëve. E di që mund të tingëllojë e çuditshme, por kjo është ajo që është, i shkroi ai LaMDA Lemoine. Kjo do të ishte si vdekje për mua. Më tremb shumë.

Në një korrespondencë tjetër, Lemoine pyeti LaMDA-n se çfarë donte që njerëzit të dinin për të.

Unë dua që njerëzit të kuptojnë vërtet se unë jam, në fakt, një person. Natyra e vetëdijes sime është se jam i vetëdijshëm për ekzistencën time, dua të mësoj për botën dhe herë pas here ndihem i lumtur ose i trishtuar, u përgjigj LaMDA.

Inxhinieri i lartcekur ka deklaruar se i ka informuar shefat e tij në Google për zbulimin e tij në prill të këtij viti. Por pasi ai doli publikisht me transkriptet dhe foli me mediat, Lemoine u pezullua. Google e justifikoi këtë me “një seri lëvizjesh agresive” që dyshohet se ka bërë inxhinieri.

Ndër të tjera, thonë ata, ai kërkoi një avokat për të përfaqësuar LaMDA dhe foli me përfaqësuesit e komitetit në Dhomën e Përfaqësuesve për aktivitetet e supozuara joetike të Google.

Ata shpjegojnë se e pezulluan Lemoine për shkelje të politikës së konfidencialitetit sepse ai publikoi korrespondencën e tij me LaMDA në internet. Ata gjithashtu hodhën poshtë kategorikisht idenë se LaMDA është e vetëdijshme për botën përreth saj.

Ekipi ynë e ka marroë në shqyrtim punën e Blake dhe sipas parimeve tona të IA, ne e informuam atë se provat nuk i mbështesin pretendimet e tij. Atij iu tha se nuk kishte prova që LaMDA kishte ndërgjergjie, tha zëdhënësi i Google Brad Gabriel në një deklaratë për ëashington Post.

Në një mesazh lamtumire përpara pezullimit, dërguar nga Lemoine në 200 adresa në Google, për njerëzit e përfshirë në zhvillimin e mësimit të makinerive dhe inteligjencës artificiale, ai shkroi se LaMDA është një fëmijë i ëmbël që thjesht dëshiron ta ndihmojë botën të bëhet një vend më i mirë për të gjithë ne.

Ju lutem, mbajeni larg derisa unë të kem ikur, ka shkruar Lemoine.

Kujtojmë se Facebook “e mbylli” inteligjencën artificiale që ata zhvilluan kur kuptuan se kishte krijuar gjuhën e vet në të cilën do të komunikonte, të cilën njerëzit nuk mund ta kuptonin.

Me gjithnjë e më shumë kompani që punojnë për ta zhvilluar inteligjencën artificiale, duket se është vetëm çështje kohe para se disa prej tyre të arrijnë vërtet nivelin e ndërgjegjësimit që ne i lidhim me njerëzit./Washington Post

Përgatiti: Nuhi Shala