Huawei sjell modelin e ri 9 SE

Pajisja më e fundit e Huawei, Nova 9 SE, është telefoni i parë inteligjent në këtë seri që vjen me një kamerë 108 MP, ku prodhuesi gjithashtu vë në pah funksionin e tij Super Night Shot për shkrepje më të mirë në errësirë.

Pajisja mbështet gjithashtu shkrepjen e njëkohshme të kamerës së përparme dhe të pasme, e cila ju lejon ta ndërroni pa probleme pamjet nga e pasme në pjesën e përparme dhe t’i ruani fotografitw si një skedar i vetëm. Falë veçorisë Dual-View, përdoruesit lejohen të shkrepin njëkohësisht nga të dyja këndvështrimet për ta kapur atë që shohin dhe reagimin e tyre ndaj saj.

Karakteristika interesante

Bateritë në Nova 9 SE vijnë me një funksion SuperCharge 66 W që lejon, sipas Huawei, të karikojë deri në 60% në vetëm 15 minuta dhe deri në 100% në 36 minuta. Huawei 9 SE i ri ka gjithashtu një ekran 6,78 inç me një shpejtësi rifreskimi prej 90 Hz. Ekrani gjithashtu mbështet gamën e ngjyrave P3.

Huawei 9 SE i ri ka gjithashtu një mbulesë të pasme të bërë nga xhami i lakuar. Telefoni është i disponueshëm në tri ngjyra: Blu Crystal, E Bardhë Pearl dhe Midnight Black./ tportal.hr

Përgatiti: Nuhi Shala