Elon Musk: Twitter mbyll zyrat e saj deri javën e ardhshme

Twitter u ka thënë punonjësve se ndërtesat e zyrave të kompanisë do të mbyllen përkohësisht, me efekt të menjëhershëm.

Në një mesazh që është parë nga BBC, punëtorëve iu është thënë se zyrat do të rihapen të hënën më 21 nëntor.

Musk nuk ka dhënë asnjë arsye për këtë vendim.

Njoftimi vjen mes raporteve se një numër i madh i stafit po largoheshin pasi pronari i ri Elon Musk u bëri thirrje atyre që të regjistroheshin për “orë të gjata me intensitet të lartë” ose të largoheshin.

Mesazhi vazhdoi duke thënë: “Ju lutemi të vazhdoni të pajtoheni me politikën e kompanisë duke u përmbajtur nga diskutimi i informacionit konfidencial të kompanisë në mediat sociale, me shtypin ose gjetkë.”

Këtë javë Musk i tha stafit të Twitter se ata duhej të angazhoheshin për të punuar me orë të gjata dhe do të “duhej të ishin jashtëzakonisht të ashpër” ose të largoheshin nga kompania, sipas raporteve.

Në një e-mail drejtuar stafit, pronari i ri i kompanisë tha se punëtorët duhet të pajtohen me zotimin nëse duan të qëndrojnë, raportoi ëashington Post.

Atyre që nuk janë regjistruar deri të enjten më 17 nëntor do t’u jepen tre muaj pagesa të largimit, tha Musk.

Në fillim të këtij muaji Twitter tha se po e redukton rreth 50% të fuqisë së saj punëtore.

Njoftimi i sotëm se Twitter i ka mbyllur përkohësisht zyrat e tij erdhi mes indikacioneve se një numër i madh punonjësish kanë dhënë tani dorëheqjen pasi nuk i kanë pranuar kushtet e reja të Musk.

Punonjësit kanë postuar në Twitter duke përdorur hashtagun #LovewhereYouworked dhe një emoji përshëndetëse për të treguar se po largoheshin nga kjo kompani.

Personi më i pasur në botë u bë shefi ekzekutiv i Twitter-it pasi e bleu atë muajin e kaluar në një marrëveshje prej 44 miliardë dollarësh.

Në përgjigje të një pyetjeje në lidhje me shqetësimet se Twitter ishte në prag të mbylljes pasi u dërgua mesazhi për mbylljen e zyrave të Tëitter, Musk shkroi në Tëitter:

“Njerëzit më të mirë po qëndrojnë, kështu që nuk jam shumë i shqetësuar”.

Në postime të veçanta, ai postoi një emoji me kafkë dhe kocka të kryqëzuara dhe një meme që tregonte një gur varri me logon e Twitter mbi të./BBC

Përgatiti: Nuhi Shala