Teatri Kombëtar i Kosovës pezullon të gjitha aktivitetet teatrore
Pas vendimit të punëtorëve të TKK-së, për hyrë grevë të përgjithshme pa afat, menaxhmenti i TKK-së ka njoftuar publikun se ndërpret të gjitha aktivitetet artistike për kohë të pacaktuar.
Në njoftimin për media TKK njofton se si rezultat i grevës së nisur nga sindikata e artistëve të TKK – së, është i obliguar të pezullojë aktivitetin e vet teatror për një periudhë të pacaktuar kohore.
“Me keqardhje ju njoftojmë që sot me datë 05.09. 2018, ka filluar greva artistëve të TKK – së, ku si pasojë Teatri Kombëtar është i obliguar ta pezulloj aktivitetin e vet teatror për një periudhë të pacaktuar kohore”, thuhet në njoftimin e TKK-së.
TKK është detyruar anulojë premierën e shfaqjes “Kopshti i vishnjave”, që ishte planifikuar të shfaqet për publikun më 5 shtator 2018.