Ilustrim
Të Shtëna me Armë Afër Gjimnazit 'Sami Frashëri'
09.2.2018 - 18:47
Një incident me armë ka ndodhur në afërsi të shkollës “Sami Frashëri” në Prishtinë.
KALLXO.com mëson se një person ka raportuar në polici se tre persona të njohur për të e kanë kanosur e më pas edhe kanë shtënë një herë në ajër.
Tre të dyshuarit me një makinë me targa të huaja janë larguar nga vendi i ngjarjes.
Zëdhënësja e policisë, Florie Ahmeti Haziraj, ka konfirmuar për KALLXO.com ngjarjen.
Në rrugën ‘Nazim Gafurri’ kemi pranuar një informacion për një të shtënë me armë në ajër personat e dyshuar janë larguar nga vendi i ngjarjes me një makinë “Golf” ka thënë Haziraj. Ajo ka shtuar se policia është në vendin e ngjarjes dhe është vënë në kërkim të të dyshuarve.