Tavolina dhe karriget e punuara nga të burgosurit, Foto: Shërbimi Korrektues i Kosovës
Të burgosurit në Mitrovicë punojnë karrige dhe tavolina
24.6.2019 - 11:28
Në vazhdën e aktiviteteve të punës së organizuar nëpër burgje, të burgosurit e Qendrës së Paraburgimit në Mitrovicë, kanë punuar rreth 100 karrige dhe tavolina.
Sipas Shërbimit Korrektues të Kosovës, qëllimi i punës së organizuar në burg është mbajtja dhe zhvillimi i aftësisë profesionale dhe kapacitetit të punës së të burgosurve.
“Kjo përmirëson mundësitë e të burgosurit për të jetuar edhe pas lirimit. Përveç kësaj, puna normalizon jetën e përditshme në burg”, thuhet në njoftim.
Secili punim i kryer nga të burgosurit në punëtoritë e SHKK-së, kryesisht përdoren për nevojat e qendrave korrektuese dhe atyre të paraburgimit. Disa prej tyre jepen edhe si donacion.