Zyrtare: Feronikeli transferon Adem Maliqin
10.9.2020 - 20:15
Skuadra e Feronikelit ka njoftuar se e ka transferuar Adem Maliqin nga skuadra e Flamurtarit.
Para disa minutash skuadra nga Drenasi njoftoi edhe për transferimin e mbrojtësit të krahut Viktor Kukës nga Ferizaj.
Adem Maliqi në sezonin e kaluar ka bërë paraqitje të mira me skuadrën e Flamurtarit duke zgjuar interesimin e Niklit.
Maliqi ka thënë se është i lumtur që iu është bashkuar Feronikelit.
“Unë jam shumë i lumtur që nga sot jam pjesë e FC Feronikelit, ku unë dhe klubi kemi objektiv të njëjtë, titullin kampion, objektiv për të cilin do të punojmë dhe luftojmë shumë fortë” ka deklaruar Maliqi për faqen zyrtare të klubit.
