Zyrtare: Dukagjini në finale të Kupës së Kosovës
Dukagjini të mërkurën fitoi me rezultat 1-2, ndaj Istogut, në ndeshjen e parë gjysmëfinale të Kupës së Kosovës.
Ndeshja e kthimit ishte paraparë që të luhej më 21 prill në Klinë.
Por, Komisioni i Garave për Superligë dhe Ligë të Parë, ka marrë vendim që ndeshja Istogu – Dukagjini të regjistrohet me rezultat zyrtar 0-3 në favor të Dukagjinit.
Pas këtij vendimi Istogu është eliminuar nga Kupa e Kosovës duke bërë që Dukagjini të kalojë në finale.
Istogu e ka humbur këtë ndeshje pasi e ka inkuadruar në lojë Erion Çetën i cili nuk kishte të drejt të luajë pasi i kishte dy karton të verdhë në ndeshje nndaj Besës dhe A &N.
Dukagjini në finale e pret fituesin e ndeshjes Llapi – Prishtina.
Më poshtë gjeni arsyen e komisionit të garave të FFK-së:
VENDIM
1.Ndeshja e parë gjysmëfinale e Kupës së Kosovës e zhvilluar me 07.04.2021 KF Istogu – KF Dukagjini regjistrohet me rezultat zyrtar 0-3 në favor të KF Dukagjini;
2.KF Istogu eliminohet nga garat e mëtejmë të Kupës së Kosovës 2020/2021
ARSYETIM
Komisioni i Garave me rastin e regjistrimit të ndeshjes së gjysmëfinales së parë të Kupës së Kosovës, KF Istogu – KF Dukagjini, konstatoi se KF Dukagjini ka ushtruar ankesë në pa rregullsinë e paraqitjes së lojtarit Erion Ceta me nr 9 ID 004763M98, i cili ështe aktivizuar me dy kartonë të verdhë për KF Istogu.
Gjatë administrimit Komisioni i Garave konstatoi se ankesa e Kf Dukagjinit është e afatshme, e lejuar, e taksuar dhe i përmbush të gjitha kushtet për shqyrtim nga Komisioni i Garave .
Pas shikimit të protokolleve zyrtare të ndeshjeve të Kupës së Kosovës, Komisioni i Garave ka vërtetuar se lojtari i lartëcekur ka qenë i ndëshkuar me kartonë të verdhë në ndeshjen KF Besa – KF Istogu, e zhvilluar me datë 16.12.2020 si dhe në ndeshjen KF Istogu – KF A@N e zhvilluar me 18.03.2021.
Bazuar në nenin 56 të Propozicioneve të garave 2020/2021 Komisioni i Garave konstatoi se lojtari i KF Istogu me nr 9 Erion Ceta me nr ID 004763M98 në ndeshjen e gjysmëfinales së parë të Kupës së Kosovës KF Istogu – KF Dukagjini, e zhvilluar me 07.03.2021 në Istog nuk ka pas të drejtë loje, andaj ankesa e KF Dukagjini miratohet si e bazuar dhe ndeshja regjistrohet me rezultatin 0-3 në favor të KF Dukagjini.
Në bazë të Rregullores së garave neni 75 , pika 4 , alinea 4 KF Istogu eliminohet nga garat e mëtejme të Kupës së Kosovës 2020/2021.
