Zyrtare: Ballkani e shkarkon Ismet Munishin
23.12.2020 - 16:29
Klubi i futbollit Ballkani ka njoftuar se e ka shkarkuar trajnerin e kësaj skuadre Ismet Munishi.
Munishi largohet nga suharekasit pas një viti e gjysmë.
Ballkani e ka falënderuar Munishin duke thënë se e ka ngritur klubin në nivele më të larta sesa ishte më parë.
Ky shkarkim i Munishit vjen pas rezultateve të dobëta në pesë xhirot e fundit, pasi i kishte pësuar 3 humbje, duke e humbur vendin e parë.
Ballkani në sezonin vjeshtor pozicionohet në vendin e dytë me 38 pikë, tri pikë më pak se Drita që është në vendin e parë.