Ylli mposht Prishtinën dhe kalon në gjysmëfinale të Kupës së Kosovës
KB Ylli është gjysmëfinalisti i fundit në Kupën e Kosovës në basketboll, pas fitores ndaj Prishtinës me rezultat 69-64, ndeshje e cila u zhvillua në palestrën “Mihzahir Isma”, në Rahovec.
Kështu, Ylli i bashkohet në gjysmëfinale skuadrave të Rahovecit, Bashkimit dhe Pejës.
Suharekasit do të përballen në gjysmëfinale me skuadrën e Bashkimit.
Çereku i parë ishte shumë i barabartë, me të dy skuadrat që nuk arrinin të krijonin epërsi të lartë dhe kjo pjesë përfundoi 17:16 për
Prishtinën me një tre pikësh në fund nga Anothy Goods.
Lojë shumë interesante ishte edhe në çerekun e dytë, ku prishtinasit ishin më të mirë, duke e fituar këtë pjesë 19:14, për të shkuar në pushim me rezultat 36:30.
Ylli u rikthye në çerekun e tretë, duke barazuar shifrat në 47:47, e më kaloi edhe në epërsi 51:52, kurse rezultati në semafor pas 30 minutash tregonte shifrat e barabartë 54:54.
Suharekasit e nisën më mirë periodën e fundit, duke pasur epërsi deri në tetë pikë. Prishtina afrohet në fund 64:67, por nuk arriti të bëjë më shumë dhe Ylli triumfoi me rezultat 64:69.