Vlora Çitaku: E turpshme pritja e lojtarëve anglezë në aeroport
17.11.2019 - 12:25
Ambasadorja e Kosovës në ShBA, Vlora Çitaku, e ka quajtur të turpshëm veprimin e bërë dje në aeroportin “Adem Jashari”, pasi disa vajza e priten kombëtaren e Anglisë me lule.
Ky gjest nuk u pëlqye shumë dhe pati reagime të ndryshme nëpër rrjete sociale.
Për këtë pritje ka reaguar edhe ambasadorja e Kosovës në ShBA, Vlora Çitaku, duke thënë se ky veprim ka qenë i turpshëm.
Ajo ka shtuar se e ngushëllon fakti që FFK-ja dhe “Dardanët” nuk e kanë prodhuar këtë skenë.
“S’kam qare pa e thanë, ajo pritja në aeroport…e turpshme. Më ngushëllon fakti që Federata e Futbollit të Kosovës dhe ne Dardanët nuk e kemi prodhu atë skenë”, ka shkruar Çitaku.